是日（7日）田草十場賽事用C跑道作賽，天文台預測有幾陣雨，而估計今午田草場地掛牌為黏地。

睇番最近5月9日同一移欄，頭馬大利放頭及守好位跑法。

其中，「軒轅齊飛」一放到底，「精彩飛動」、「承你所願」及「二郎」就守住好位。

不過，去到尾場出現單日轉向，由三匹後上馬「飈驥」、「繽紛遊戲」及「廣陵王」包辦三重彩，呢點要留意。

周俊樂係當日其中一位成績最好騎師，起孖而回。

呢位十磅仔至今都係贏得兩場，今期騎七駒上陣。

當中，第八場三班1400米，「承你所願」上場勝後再跑田草C欄，如能搶出有力一爭。

此外，近兩期不勝的雷神上次跑田草C欄亦起孖，周日接手第十場二班1400米「春花秋月」。

此匹摩廐馬上場回勇跑第四，且看能否替雷神打破悶局。

--------------------------
【馬上看經典】迴光反照莫此為甚！「奔騰」創遮打盃另一經典
即睇今期《馬上看經典》
--------------------------
馬匹賽績、騎練數據、名家貼士
【最強贏錢武器盡在蘋果馬網】
刨馬撳呢度
--------------------------
《果GYM》隨身播　健身壹App過！
一按即玩