當年今日
關於我們

【韓流】美版《星星》擱置全智賢新封面照充滿女人味

蘋果日報 2015/03/17 06:00

蘋果香港全智賢即時來自星星的你美版

神劇《來自星星的你》做完都有年多,之前傳出內地嘅湖南衛視有意開拍中國版《星星》,仲話想搵舒淇做全智賢「千頌伊」一角,不過最終電視台方面就否認開拍,唔少《星星》迷都放下心頭大石,始終原裝版夠晒經典,再翻拍都好難超越原裝版。

不過去年《星星》咁紅,就連美國方面都對《星星》好有興趣,原本去年已經話美國嘅ABC電視台會開拍美版《星星》,仲由去年2月開始已經開始籌備中,當時有指美版《星星》會由《吸血新世代》(TheVampireDiaries)嘅編劇操刀,韓版《星星》嘅編劇朴智恩亦會參與製作,仲話美版內容有機會比原版大膽呢。

但係近日就傳來消息話美版《星星》將會擱置拍攝,據知《星星》片商透露,雖然佢咃好努力同美國片商合作,將美版打造成季版電視劇,不過近日喺電視台發佈嘅2015-2016年電視劇製作計劃書中,就冇將《星星》列入當中,估計電視台方面暫時擱置咗拍《星星》嘅計劃。

而《星星》女主角全智賢早前為時尚雜誌拍攝封面照,今日雜誌公開咗全女神嘅新照,只見化咗比平時厚妝嘅全智賢着住條綠色長裙,充滿咗春天嘅氣息,大晒女神獨有嘅女人味。而全智賢早前為運動品牌拍攝嘅廣告片,喺網上已經有高清版可以睇到。