武漢肺炎疫情肆虐，全球各地賽馬地區都受影響停賽，復辦後亦閉門作賽，只有香港馬會成功打贏這場疫戰。

唔少馬主都大讚馬會夠果斷，及早推出一系列抗疫措，施維持馬照跑。

90年代開始養馬嘅「熊」系馬主范邦指，初養馬廿多年都未見過賽馬業咁艱難經營。

他說：「記得當初香港馬會宣佈閉門作賽，我第一時間反應係觀眾席空蕩蕩沒晒氣氛，不如取消賽事仲好。」

「但諗深一層，馬會係非牟利機構，要考慮冇馬跑影響政府稅收維持，馬照跑係可以理解。」

范邦初喺香港、澳洲、美國、南非及澳門都養過馬，對於港、美兩地做馬主有唔同體會。

范邦初指：「美國勝在地方夠大，可以騎番自己嘅馬，這種體驗喺香港係冇可能，比只餵馬匹食紅蘿蔔更有快感。」

「不過話分兩頭，我住喺加州要揸兩個鐘頭車去馬場，無可能每次有馬出賽都到場打氣。」

「香港嘅交通就方便得多，隨時入馬房探馬，兩地養馬體驗各有優點。」

-----------------------------

《蘋果》英文版免費試睇：了解更多

英文版已登錄《蘋果》App，立即下載/ 更新：

iOS / Android