當年今日
關於我們

不認命 6.9上街

蘋果日報 2019/06/09 00:10

逃犯條例港人港審域外司法管轄權引渡惡法

回歸22年,香港滿地謊言。
明明可特事特辦處理台灣殺人案,特首林鄭月娥偏說非修訂《逃犯條例》不可;內地拉人,家屬不得見,律師不獲聘,審訊不公開,還要在鏡頭前認罪,保安局局長李家超卻說內地司法獨立在世界排名甚高。
先是霸王硬上弓,再擘大眼講大話,明年今日,當兩制只餘一國,你我都可能是逃犯,被送中。但香港人,不認命,周日遊行更是關鍵。壹傳媒創辦人黎智英直言,「如果唔出嚟行,畀佢過咗,就係一世㗎嘞!」民主黨創黨主席李柱銘也說,就算港人要移民,也請上多一次街,為這個曾經繁榮安定的香港,發多一次聲,阻擋惡法,「6月9號,維園見」。
「我哋今日上街,就係要戳破高官嘅謊言!」黎智英直指《逃犯條例》修訂推出至今,全世界都反對,「全香港反對,所有司法機構都反對,12個大律師公會前主席都反對,甚至律師會屬於『藍』(即建制陣營),佢哋都出嚟反對,話特首唔係民選出嚟,有乜可能幫到我哋擋關?當連一啲藍絲都出嚟(反對),我覺得我哋(香港)係到咗忍無可忍嘅地步。」
他認為,港人6.9必須上街,今次可能是最後一次機會,「如果唔出嚟行,畀佢過咗,就係一世㗎嘞!」若能擋住惡法,就是香港人的光榮;若擋不住,香港便玩完,更是恥辱,「如果連3個鐘時間都唔可以捍衞我哋呢個自由嘅家園,我哋講唔得過去,我哋一定要用我哋嘅良知,去感動自己,感動每一個人行出嚟。」
日前法律界發起回歸以來第5次靜默遊行,約3,000人上街抗惡法。資深大律師、民主黨創黨主席李柱銘說,若送中條例通過,每一個香港人,甚至是外國人或過境人士,都可能送上內地受審,當人身安全得不到保障,香港也繁榮不再,「如果安定因為咁而消失咗,繁榮又點能夠繼續落去呢?」
李柱銘說,目前是香港很嚴峻的時刻,惡法擋不住,沒有了人權和民主,安定繁榮也失去,「邊個香港人想住喺呢個城市度呢?」他呼籲港人6.9務必上街,「就算你要移民,都要行埋呢一次。因為通過咗法例,你返嚟香港就有危險。」
中國國家主席習近平表明,決不走西方司法獨立的路,只會採用有中國特色社會主義的法治。公民黨前主席、資深大律師余若薇直言十分擔心,「條例一旦通過,將來國家要人或者要封艇,特首或者法官都冇可能把關,所以為咗我哋香港嘅法治,6月9日星期日,香港人一定要行出嚟」。
港大法律學院教授陳文敏也說,移交犯人到其他法制國家受審,首要保障得到公平審訊,惟現時《逃犯條例》修訂下,沒信心在內地的司法制度下得到公平審訊。他更罕有呼籲港人6.9上街,「希望所有香港人都行出嚟表達關注,守護法治。」
因切除腦瘤而需休養的立法會議員陳淑莊,雖無奈要缺席遊行,深感內疚,但她仍透過錄音呼籲港人代她發聲,6.9一同上街反惡法,「我希望,再次出現2003年反23條出現嘅奇蹟,香港人,加油!」
民陣6.9反惡法遊行
日期:6月9日(日)
集合地點:維園草地
時間:下午2時30分集合、3時正起步
遊行路線:維園草地遊行至金鐘添美道立法會
(資料來源:民陣)
-----------------------------
新聞有價 你肯為《蘋果動新聞》付幾多錢?
https://hk.adai.ly/QDTT6y5mgX
empty
《蘋果》製圖