蘭西情報課：公司紛擴充寫字樓大遷移
蘋果日報 2005/04/22 00:00
唔少公司諗住趁經濟好轉，加上空置寫字樓愈嚟愈少，租金漸貴，有租趁手，屋之島李思博話，好多公司擴充，要搵寫字樓搬，就乘機提高埋寫字樓質素。
好似台灣中華航空，原租中環聖佐治大廈萬二呎，現移師到金鐘太古廣場一期，逾兩萬呎，擴大三分二。上市公司中信資源，就快由美銀中心四千呎，搬到太古廣場過萬呎。
配合金融、地產業興旺，相關嘅專業服務好似律師樓、會計師行都話要擴充。現時用緊海富中心嘅廖陳林律師樓，準備租咗和記大廈萬四呎，另外國衞會計師樓，剛承租告羅士打大廈萬三呎。
李思博推算，未來六個月不斷有公司擴充，年底前，港島甲級寫字樓租金有望再升兩成。
套現至上頻見標售
面對加息，大手放盤有增無減，好似二十幾年前，一手買入九龍灣麗晶花園二十一座地下C一號舖嘅老牌收租佬，委託中記標售，下月二十六截標。負責人戴錦輝估值一億，以萬三呎樓面計，約七千七蚊呎。
個舖由惠康超市等舖頭租緊，收四十一萬四，舊約沙士期簽，出年續約有望加租，九七年曾經租到六十幾萬。
另外，中環士丹頓街二十至二十四號商住樓標售，下月二十四截標，估值一至兩億。地盤三千三百呎，起到二萬六千五百呎。
好似台灣中華航空，原租中環聖佐治大廈萬二呎，現移師到金鐘太古廣場一期，逾兩萬呎，擴大三分二。上市公司中信資源，就快由美銀中心四千呎，搬到太古廣場過萬呎。
配合金融、地產業興旺，相關嘅專業服務好似律師樓、會計師行都話要擴充。現時用緊海富中心嘅廖陳林律師樓，準備租咗和記大廈萬四呎，另外國衞會計師樓，剛承租告羅士打大廈萬三呎。
李思博推算，未來六個月不斷有公司擴充，年底前，港島甲級寫字樓租金有望再升兩成。
面對加息，大手放盤有增無減，好似二十幾年前，一手買入九龍灣麗晶花園二十一座地下C一號舖嘅老牌收租佬，委託中記標售，下月二十六截標。負責人戴錦輝估值一億，以萬三呎樓面計，約七千七蚊呎。
個舖由惠康超市等舖頭租緊，收四十一萬四，舊約沙士期簽，出年續約有望加租，九七年曾經租到六十幾萬。
另外，中環士丹頓街二十至二十四號商住樓標售，下月二十四截標，估值一至兩億。地盤三千三百呎，起到二萬六千五百呎。
樓價升咗逾兩年，可以短期內摸出大賺，機會好微，但世事無絕對，啱啱就有單，一個月賺五成七，係咪好誇張？
中記程仲雄話，灣仔投資者上月以一百零五萬，買入區內堅安大廈單位，四百九十呎連平台五百二十呎，執執隨即放售，日前以一百六十五萬摸出，賺六十萬，五成七。
程仲雄話，灣仔區四至五個資深投資者，專攻百零萬樓仔短炒，每次都賺三四成。
自由行帶旺零售業，除咗旺角、尖沙嘴一帶傳統商舖旺區受惠，最近連九龍塘屋地，都吸引舖位投資者。
過往九龍塘區內作商業用途屋地，多數經營老人院、學校或婚紗攝影一類，近排有投資者睇好呢區零售潛力，尤其窩打老道沿路，由於近火車站，係唔少自由行旅客必經之地。
利記林松偉話，投資者以五千五百萬，買入窩打老道一○九號一萬呎屋地，上蓋為舊式洋房，五千呎，呎價萬一，打算申請轉作商業，計劃經營售賣紀念品之類，專做遊客生意。
呢類買地轉商舖用途嘅成交，啱啱興起，去年底易手嘅窩打老道一四七號，聽聞都係有意申請轉作商舖。
新盤賣得太耐，有時都會加個新名，畀啲新鮮感，今次連未賣嘅都仿效。恒基講咗好耐，都未賣嘅屯門藍地悠然自居，噚日改名。
恒基謝偉銓話，改為「豫豐花園」，因為樓盤有好多綠化地方，又保留好多果樹，所以叫做花園比較貼切。
佢話，其實講咗咁耐，都應該用過個名，豫豐花園用嚟做住宅名比較恰當。
電郵地址：[email protected]
惠康超市月租三十萬，如果生意好業主重可以提成。