【新增圖片】每兩季一度嘅日本妹潮流盛事GirlsAward今日又再舉行，唔少人氣偶像都有登上天橋行騷，人氣女星廣瀨鈴同胞姐廣瀨愛麗絲亦有一同行騷，兩人為品牌穿上秋冬服飾，穿上黑色絲襪襯成熟打扮，成功搶去不少風頭。

今次活動改在千葉幕張進行，除咗廣瀨姐妹之外，乃木坂46成員已成為近年時裝騷常客，乃木坂主將白石麻衣、西野七瀨、齋藤飛鳥、松村沙友理等都有登場，而欅坂46成員志田愛佳、小林由依、土生瑞穗等亦為盛會擔任模特兒，其他嘉賓仲有剛與有米男友分手嘅拜金女星紗榮子、歌姬中島美嘉、當紅男星赤西仁同埋上位男團THE RAMPAGE等。