高調不代表不好，只看動機如何，佩服樓下的大師連續兩個禮拜擺明車馬撐阿仙奴今季聯賽封王，明刀明槍勇氣可嘉；今周小弟重心想轉向日聯，捧今季野心極大的名古屋鯨魚，擊倒川崎前鋒開上盤。周日焦點，當然是香港跑打吡，不過小弟捧大阪打吡，撐冷門櫻花擋飛腳開[+1]。
兩個收費台先後在本周公佈了全年業績，其實這個浴血戰根本沒有人會是大贏家，正如辦報及入股積弱的電視台也不是位位富豪為賺錢；畸寶上年輸少咗，也再輸4,000多萬元，下個球季，傳以超高價逾2億美元購下英超3季轉播權。大家認為在現今資訊爆炸的年代，電視廣告或者上台客戶會否再因英超有突破增長，以支撐天價轉播費用。
睇足球，可以有好多方法，約一班老友聚頭，打邊爐講波經，一樣可以興高采烈。原屬「現在」的用戶，又會否因冇英超睇，再敢要求年邁已退休的父母，趕及在截數前拿着解碼器走到工廠區，甚至總部去cut台？身邊絕大部份朋友講起兩年前的經歷，仍咬牙切齒，公關手段差劣，傷痛原來可以很久！

大阪打吡櫻花盛放

今屆日聯，鯨魚請得田中鬪莉王加盟，高調兼決心昭然；揭幕日殺低強敵飛腳，已證今屆爭標實力，陣中不乏當打國腳，趁未被莊家確認超強實力，今天直播戰只少讓缺少兩大受傷中場主力中村憲剛及祖尼奴的前鋒，捧上盤。
明天，馬壇盛事打吡大賽，我已與戰友約好入場湊興，形勢緊湊，要撐半冷的「魔法幻影」；至於大阪打吡，我捧年輕有活力的升班馬櫻花頂住老化的飛腳，[+1]及冷W均可。

今周推介：名古屋鯨魚（上盤）
近5場往績：LDLDW

蘋果波神
簡介：一分耕耘一分收穫，難得半夜睇波娛樂兼備，人生一樂也。捧愛隊可以好主觀，但若能客觀地從足球直播欣賞對戰雙方的表現，你會發現不少投注寶藏，啟發投注靈感。