樓宇買賣過程中，業主同買家周不時會討價還價，究竟點衡量雙方叫價、還價係咪合理？網友Teresa最近就遇到以上疑難，所以喺《親子王國》請教眾網友，佢睇啱一層二手樓，但幾間銀行都估唔到業主放盤嘅價錢，相差成30萬；業主又唔肯減價，問係咪唔應該再追價呢？
好心嘅angiedodo話可以介紹「手鬆」嘅銀行畀Teresa，「希望幫你估到價。」不過，Jackielee就質疑，「如果銀行純粹因為同顧客關係好先估到價，咁呢個就已經唔係物業本身嘅真實價值。」
唔少網友都勸Teresa三思，bebepopo話︰「如果佢個單位唔係有豪裝而導致銀行估唔到價，咁我覺得你唔好自己補價。」魚生認為樓市近排只係虛火，買家有條件慢慢揀，照佢分析，「個市係旺嗰兩、三個月，但我覺得只係啲人趕住買新樓過年，我諗過完年會淡，同埋呢排好多業主又封盤唔睇住，好似無乜供應咁！咪搞到好似好渴市咁囉！」