生日快樂呀！陳凱琳（Grace）今日26歲喇！生日前同正日都要開工，辛苦晒～（新聞連結： http://bit.ly/2rY6G8E ）

壽星女Grace今日同曹敏莉（Mandy）喺九龍灣出席「7.1 O2O 香港購物節」活動，大會安排蛋糕慶回歸之餘，順便仲幫Grace慶祝26歲生日。正日點慶祝？Grace好開心話今晚會同男友鄭嘉穎食晚飯慶祝，佢話：「佢喺大陸拍緊嘢，都返嚟2日，好開心，知道佢好奔波，好攰好辛苦，好彩我唔使開工可以食飯。」

Grace仲透露男友已經送咗生日禮物，係實用嘅用品，問到唔係收戒指？會唔會有求婚驚喜？佢就話：「唔會，大家有共識，今晚唔會。」身邊嘅Mandy就笑佢話：「冇人可以保證㗎。」跟住Grace就講笑咁話：「都好喎！順其自然啦！」

講香今屆港姐面試，Grace就話覺得參賽者嘅質素幾好，佢話：「我有個朋友嘅好朋友就係模特兒Christina，我已經講咗有咩可以搵我，等我畀啲tips。」講到有疑似整容參賽者，Grace同Mandy都話崇尚天然，Mandy話：「每一屆都有突出嘅，時代唔同，我哋嗰時好簡單好純，上台會驚，潮流轉變，但我就主張天然，評判會識揀。」