當年今日
關於我們

賭王評大劉:多個女好閒啫

蘋果日報 2008/11/09 00:00


賭王何鴻燊前晚帶同三房女兒何超雲到尖沙嘴出席公益金40周年晚宴,不過,超雲在台下欣賞黎明演唱《兩心知》時,就悶到頻頻托頭、打呵欠。賭王日前爆劉鑾雄承認甘比女兒是大劉所出,但後來遭大劉否認向他爆料,他說:「好閒啫,講笑就講笑囉。」是否被大劉擺上枱?他說:「擺唔到我上枱嘅,生多個女,好閒事啫。」
大劉日前遭咪牌扑中,賭王說:「我冇試過喎。」莫非賭王保鑣特別醒?他即時認叻說:「佢哋好夠力,我自己亦都唔容易(俾人)搞掂,我都打得吓。」賭王又表示未試過cut姨太的信用卡,他說:「未諗過,女都唔諗(cut卡)啦,更加唔好話老婆。太太同女係錫嘅,點會令佢哋難過呢?冇卡好慘,點畀錢呀?」
採訪:羅慧敏、馬建華
攝影:黃文偉