現年59歲的資深藝人陳安瑩，從粵劇童星做起，到了1979年參加第八期無綫電視藝員訓練班，畢業後做過藝員和配音員，屈指一算，陳安瑩入行至今已經超過50年。陳安瑩日前接受好友苑瓊丹為 香港 開電視主持的《開工大吉77》訪問，安瑩小時候在以丁艷作藝名成為粵劇童星，當時候在片場打滾了一段日子，深得一眾前輩演員的疼愛：「戲行好多前輩都係好錫我，好似鄧碧雲嘅媽媽係我媽咪嘅契娘，所以我叫佢做姨媽，而關德興師傅就係我契爺。我小朋友嗰陣，梁醒波、何非凡、李寶瑩呢啲前輩睇我唱戲，呢啲係好珍貴嘅回憶，但我都冇咩同人講過。」

安瑩中學畢業後，有一天在家中看見電視播出藝訓班的招聘廣告，結果在沒有人脈的情況下，靠自己考訓練班入行，為演藝事業展開新一頁。其後她除了幕前演出，還涉獵多個部門工作：「當年我嗰樣唔識大，所以去做兒童節目，咁有時唔使拍嘢，我就去公關部做兼職，幫手回信畀觀眾。之後我去咗配音組，我仲幫過苑瓊丹配音，嗰次印像好深刻，因為把聲真係沙晒。」

雖然多年來安瑩演出超過100套劇集，令人印象最深刻當然是在《射鵰英雄傳之東邪西毒》和《神鵰俠侶》中飾演儍姑、《天龍八部》的天山童姥，不過她主力飾演配角，未嘗主角滋味，安瑩坦言安於現狀：「我又冇諗過要爭做主角，只係專心投入工作，我成日都覺得一個金字塔得一個塔尖，要下面啲底層推佢上去，我都有功勞，演員冇分主角定配角，都要演好場戲。」

至於感情方面，安瑩坦言已經有一個拍拖數十年的男友：「佢係我嘅初戀情人，我哋由18歲拍拖到而家，之前阿媽話過30歲之前唔好結婚，呢句嘢入晒腦，所以大家都冇晒結婚嘅慾望。而家佢喺內地長居，有朋友問我怕唔怕佢包二奶，我都諗咗一諗，反正自己照顧唔到佢，有人煲湯畀佢都唔錯呀？」

-----------------------------

《蘋果》英文版免費試睇： 了解更多

英文版已登錄《蘋果》App，立即 下載/ 更新 ： iOS / Android

-----------------------------

支持蘋果深度報道，深入社區，踢爆權貴，即Like 蘋果專題及調查組FB專頁 ！