當年今日
關於我們

【子健蘋馬】朝早死都頂住廐侶!「熊」仔帶挈霍利時冧莊

蘋果日報 2020/01/14 00:00

又係熊子健蘋馬冧莊谷草霍利時

明晚(15日)谷草第七場三班1650米,「又係熊」上次表現令我刮目相看,贏馬唔奇,竟然贏到無馬埋身。
更估唔到,「又係熊」可用快步速燒乾對手,末段再交22秒8,既唔係賺偏差,亦唔係賺形勢,數字無呃人,確實係段段快的出色頭馬。
再用另一匹新勝「盛大光輝」作比較,縱唔係同一日賽事,睇死數會有些微偏差,然而始終係判斷高低的唯一指標,不論段速、末段時間、總時間,無一及得上!
今次「又係熊」相隔四周再跑,時間表非常理想,而操練、模式亦合符要求,埋門每隔三、四日跳一課,有單試、有拍跳,應做的全做齊。
上周二(7日)朝早與同晚亦會落場弗馬「超趣」拍跳,直路那股死都唔俾廐侶越過的氣勢,確實超強!
今場孭多六磅再跑,但抽1檔兼遇唔到更高級數之對手,霍利時可望繼同主「滿冠熊」後,再有「又係熊」打叠贏馬。
empty