為了走路時能盡顯「婀娜多姿」的美態，不惜穿上隨時「拗柴」的幾吋高platform鞋、斗零踭高跟鞋，但原來穿露趾凉鞋也可以盡顯醜態！網友「computer三世」批評女士愛穿凉鞋，但又不顧腳部衞生，兼在腳踭貼藥水膠布，感覺好核突，人見人笑！

網友「Computer三世」說：「我就唔會着拖鞋出街，覺得隻腳好易污糟和受傷。係唔係啲女人如果咁着法，一日之內要去幾次廁所洗腳？如果唔洗，冇可能由早到晚，行完啲旺區，會一啲塵都冇喎！」網友「sab15」相信「正正常常行路，唔踢到啲乜嘢，基本上唔會污糟㗎喎！」

「醃住對腳仲衰」

網友「chong.」也同意：「落緊雨或啱啱落完雨又或者就嚟落雨，我都唔會着露出腳板任何一部份嘅鞋，地下啲積水好污糟！」不過署名「剛出浴」的網友剛好相反：「我反而喺落雨前後都會着拖鞋或凉鞋出街，我覺得醃住對腳仲衰，分分鐘香港腳都有份！」
網友「郡主」安撫大家：「冇事嘅，污糟咗冲一冲，一陣就亁番！」自稱「永恒不能趕快」的網友則忠告女士們：「唔好長期着人字拖行街，因為你啲腳趾要好用力抓實地下，會影響條腰，醫生講㗎！」

《蘋果》網聞版請你報料！大家無論在網上網外發現任何騎呢搞笑的事情，都歡迎提供照片或短片資料。
一經採用可獲酬100元
請附姓名、電話及電郵地址，電郵到：[email protected]