港大優秀博士生偷拍女生裙底案日前開審，引起全城關注。網友Summena稱，在該案開審的本月10日，她偕同媽媽和婆婆到觀塘apm購物時，在電梯內被人偷拍裙底，她執意要捉住「衰人」，卻被媽媽和婆婆「㩒住」。她忿忿不平，回到家還被媽媽責罵，令她忍不住哭了。

網友議論紛紛，既號召不要放過偷拍的賤人，同時也批評Summena的媽媽和婆婆遇事啞忍太過份！
事發當天穿着牛仔裙的Summena表示，一名「拎住一袋二袋」的男子從地鐵一直近距離跟在她後面，入了電梯後，發現他的手伸長了，電梯到達有關樓層後，她見該男子將一部有相機功能的電話收埋。她說：「我同我媽講我俾人偷拍，我媽問邊個人，我指咗畀佢睇。阿媽話算啦，都走到咁遠！」

婆婆：影唔到啲咩嘅

當Summena要追上去時，她婆婆說：「人哋影你，影唔到啲咩嘅。」她的媽媽也說：「係囉，佢影咗又點？你又唔係冇着底褲。」Summena當時激動到哭了出來，回到家還被媽媽罵，她哭着說：「影得我一個，一定影到第二個……呢啲咁嘅人一定會周圍傳㗎！」
「我勸你下次遇到呢啲嘢嘅時候，應該唔好理其他人點阻你，你一大叫，一定好多人幫你！」網友小琳說：「恕我直言，你媽咪同婆婆都幾過份喎。點解你嗰時唔一路行，一路報警呢？呢啲衰人一定唔可以放過！」apm控制室的張先生昨日接受本報查詢時稱：「最近一頭半個月都沒有收到有人在該商場被偷拍的報告，有的話他們應該會被知會，多加留意的。」

《蘋果》網聞版請你報料！大家無論在網上網外發現任何騎呢搞笑的事情，都歡迎提供照片或短片資料。
一經採用可獲酬100元
請附姓名、電話及電郵地址，電郵到：[email protected]