現年42歲嘅韓流第一代始祖裴勇俊前日驚爆會同細過佢13年嘅女星兼旗下公司藝人朴秀珍結婚，婚禮會喺今年秋天舉行，消息轟動亞洲。

不過自從裴勇俊宣佈喜訊後，各地粉絲反應不一，但好多粉絲都無奈接受咗，仲祝福偶像幸福快樂，有粉絲更特別將二人嘅照片合成咗BB圖，當中分別整咗男B版同女B版，無論男定女都好可愛，加上皮膚又白又膚，完全得晒兩個人嘅遺傳。

粉絲見到啲合成BB照都議論紛紛，大讚兩人將來嘅愛情結晶品一定好漂亮，有粉絲仲都賀偶像抱得美人歸，又話只要雙方基因好，佢哋嘅下一代就必屬佳品。

另外，將會今年秋天結婚嘅朴秀珍今日下午現身忠清北道清州市嘅現代百貨店，舉行簽名會，即時成為現場焦點。