美股道指上周五急升155點,收9505,創9個月以來高位。升市原因之一,係歐美央行及有份量之經濟專家不約而同地表示,經濟已經走出衰退。美股轉強,唔少好友認為,道指後市可以反覆上試1萬點。
不過,港股近期表現偏弱,恒指已跌穿20日線,估計大市要回試50日線19200水平,今次調整才會完成。美股上周五神勇,將有助港股今日高開,最怕係內地A股唔爭氣,港股又再先升後跌。
內銀股上周進入業績高峯期,最多散戶擁躉之一的工商銀行(1398)中期賺664億元人民幣,按年上升2.9%,每股盈利0.20元,但不派中期息。