【第一張成績表】張敬軒佘詩曼成票王票后 奪人氣男女偶像奬
古天樂佘詩曼張敬軒香港人氣男偶像香港人氣女偶像
佘詩曼演奸角一樣得民心,網民選佢做搜尋網站人氣女皇。
每年年尾,都係樂壇派成績表嘅時間。不過,喺仲未知道古天樂究竟會唔會撼贏陳奕迅、張敬軒等人,成功捧走叱咤頒獎禮「我最喜愛的男歌手」獎之前,數十位歌手藝人,包括今年同謝安琪有合唱歌、再闖樂壇嘅古天樂,明晚會先出席由搜尋網站舉辦嘅「搜尋人氣大獎」頒獎典禮。
大會今日率先公佈幾個由網民投票選出嘅獎項得獎名單,分別由張敬軒成票王,奪「香港人氣男偶像」,而「香港人氣女偶像」就由演奸角演到被網民熱捧嘅佘詩曼奪得。至於「香港人氣組合」同「亞洲人氣偶像」,就分別由關智斌、張致恒組成嘅BOYZ及大陸歌手華晨宇攞走。
頒獎禮明晚假文化中心露天廣場舉行,出席藝人除咗一班本地薑,包括古天樂、林峯、張敬軒、BOYZ、謝安琪、麥浚龍、陳柏宇、吳鎮宇、胡定欣、陳煒、黃心穎等,大會仲請咗憑韓劇《我的ID是江南美人》人氣飆升嘅韓團ASTRO成員車銀優現身。
精選娛聞,喺晒《娛果》
http://fb.com/appledailyent
張敬軒(中)同關智斌、張致恒都係搜尋網站嘅人氣人物。
關智斌、張致恒嘅BOYZ成軍咁多年,今年終於開咗首個售票演唱會。