今季馬王選舉，已形成大摩馬房「美麗傳承」與告東尼旗下明星馬「巴基之星」之爭。究竟坊間馬迷，認為邊一匹馬至係佢哋心目中的馬王呢？

馬迷鄭先生：「『巴基之星』衝刺強勁，令佢充滿星味，贏女皇盃及遮打盃欣賞性都好高，而且隻馬曾因為罷跑而被禁賽，佢能夠克服罷跑陰影，重新振作，充滿傳奇色彩。『美麗傳承』都係好馬，但跑法以放頭、跟前為主，走勢可觀性冇咁吸引。」

馬迷譚先生：「『美麗傳承』贏出香港一哩錦標，當時對手甚強，而且隻隻狀態都處於巔峰，呢場頭馬難度極高。相反，『巴基之星』冇參加過香港國際賽日，而贏遮打盃的對手狀態都唔夠銳，更有兩匹對手『時時精綵』及『大雄圖』一樣來自告東尼方面，說服力較弱。」

馬迷陳先生：「『巴基之星』後勁令人熱血沸騰，令我非常難忘，隻馬贏女皇盃一役，亦幫我贏錢，雖然只係贏幾十蚊，但令我好開心，我支持『巴基之星』當選香港馬王。」