韓國男團2PM成員俊昊將於大後日單拖襲港，喺上水陪港迷倒數迎2019年。

由於今次係俊昊首度來港度除夕，所以佢都相當興奮及開心，又特地拍片用廣東話向港迷打招呼，並約定港迷到時見，希望到時與粉絲製造快樂嘅回憶。此外，雖然2PM各成員目前各有各忙，但一眾成員感情仍然好好，就好似隊友Nichkhun日前喺日本開騷，俊昊就特地送上蛋糕及水果為對方祝賀及打氣，Nichkhun隨即喺Instagram上載認證照，大讚俊昊。

另外，韓片《屍殺列車》男星崔宇植亦於同日襲港，到馬鞍山與粉絲歡度除夕，據悉崔宇植將於本月31號中午抵港，晚上佢就會孖住「少婦聯盟」嘅陳凱琳、龔嘉欣、譚凱琪及陳庭欣等人亮相活動，並喺現場同粉絲大玩遊戲兼大試香港特色美食。

更多韓流，喺晒《娛果》
http://fb.com/appledailyent