【add名人時尚】趙式芝搞手機app反歧視 為LGBT+及弱勢發聲
蘋果日報 2020/09/07 23:00
add名人時尚趙式芝反歧視
趙式芝一直關注同志平權，近年落力推動同志婚權議題，希望五年內同性婚姻在香港合法化。她於2008年成立相信愛基金，今個月基金推出手機app 「Voice Out!」，目的亦是反歧視，希望幫助LGBT+（異性戀、同性戀、跨性別等性小眾族群）及弱勢社群聆聽及舉報歧視事件，讓被歧視者發聲。
趙式芝旗下基金搞app，希望被歧視者勇於發聲。
手機應用程式名為「Voice Out!」，正正是希望弱勢族群受到歧視時不要啞忍。
她今日接受電話訪問時，透露手機應用程式去年開始搞，「舊年六月社會運動開始，發覺呢個世界越來越唔平等，越來越需要有一個渠道給弱勢社群發聲，網上世界比較容易講出心中嘅嘢，亦比以往叫人寫信、寄電郵更方便。」作為香港爭取同志平權的代表人物之一，她指自己經常半夜三更被朋友嘈醒，聆聽她們的辛酸及委屈，「我個手機、WhatsApp，直情係所有LGBT+同志朋友嘅申訴專員號碼，無論佢哋有come out問題、唔知點樣同子女講come out，或者響公司受到欺凌呀，都會半夜無端端搵我幫手，我係好樂意去聽，亦令我發現，香港係冇一個政府部門，去講呢啲嘅歧視問題，平機會只有嗰四條法例可以cover，同志嘅議題佢哋又處理唔到，只能透過法庭先處理到。」
趙式芝指去年和女友JW到英國曼城睇英超足球，中場時段見到場內鼓勵舉報歧視的廣告牌，受到啟發，「廣告話如果你響球場內見到歧視發生，你可以舉報，球會會即時處理，因為佢哋要提供一個安全嘅睇波、踢波環境，公平嘅足球文化，我覺得呢個idea好好，香港都好需要。」
趙式芝和女友JW去年在英國睇英超時受到啟發而搞app，兩人之前亦一齊出鏡宣揚同志平權。
她期望在五年內爭取到香港同性婚姻合法。
app內除了舉報欄目，亦有分享性小眾新聞、資訊。
早前宣佈結婚的王曼喜，成為app內第一對受訪的同性戀人。
過往她收過不少case，除了同性戀在職場因性取向被同事恥笑、歧視外，種族、性別歧視個案亦有。有任職文員的孕婦，因大肚遭僱主惡言相向，疫情爆發前就被迫放半年無薪假，最終孕婦為怕影響胎兒，只好愔然辭職，「好多人唔知應該點做，可以點做？好多就咁當自己唔好彩就算，我哋有一班義工、義工法律團隊跟進、轉介去相關機構同部門，希望可以幫到更多人。」
-----------------------------
《蘋果》英文版免費試睇：了解更多
-----------------------------
《本土情味》結集《飲食男女》雜誌經典欄目「老字號」文章，記錄香港40家飲食老店的動人故事，見證香港飲食史的甜酸苦辣。即日起，於各大便利店及書報攤有售，並於 《蘋果日報》你的優惠 網上獨家發售！