夏天，真係為大家帶嚟唔少嘢，好似有汗水、美腿、男性肌肉同埋泳裝，呢幾日一班星二代都輪住喺網上貼佢哋嘅泳裝相，大飽眼福。

日前梁家輝 孖女之一嘅Nikkie，就貼咗張玩滑水嘅相，一向都有驕人身材嘅Nikkie，今次貼出嚟嘅相就好細，唔係好睇到佢身材，不過大家都知佢係有料之一。而 另一個孖女Chloe，就貼咗張三點式坐喺泳池邊嘅相，呢張就珍貴喇，因為Chloe一向都比較保守，唔似Nikkie成日晒泳裝，所以呢張相比較珍貴。

另外，上山詩鈉嘅囡囡Hilary，早前就去咗玩滑浪板，之後仲貼咗一張三點式嘅相，Hilary嘅身形一向都係好運動型，所以着咗三點式，散發健康性感。

而昨日翁靜晶就貼咗細女嘅相，亦係去滑水嘅相，雖然睇唔到佢美好嘅身段，但係睇佢滑水姿勢，又似乎有姿勢有實際。