【八方動起來】喵星人勇闖立法會 同許智峯玩伏匿匿
貓蔣元秋許智峯貓星人動物保護法短毛貓保動八方動起來
立法會既有象哥,又有鼠王芬,同時有位識得獅吼功嘅蔣元秋,果然係「卧虎藏龍」,觀賞度極高,但原來近年立法會仲多咗隻貓遊走出沒。八方勸大家唔好試圖從邊位議員似貓女郎埋手嘞,盞令大家大失所望,而查實呢位立會新訪客真係喵星人嚟嘅,仲係民主黨立法會議員許智峯喺立法會強頑抗爭之時,陪伴作戰嘅一股強勁動力。
「吖,唔知『菠蘿包』匿咗喺邊……」八方之前去到立法會許智峯嘅議辦,準備探下呢位議會「新丁」,點知佢同阿峯玩伏匿匿,認真鬼馬。阿峯係喺去年5月喺愛護動物協會領養咗一隻香港短毛貓(俗稱港短)、即係「菠蘿包」,領養前佢除咗要做足功課,仲要同一樣愛貓嘅囡囡,向唔太愛貓嘅許太勸說,結果成功爭取,阿峯笑指太太喺養貓之後,反而成為屋企入面最愛貓嗰位,喺菠蘿包啱啱過咗嘅一歲生日,太太就特別買咗個人、貓共享嘅「貓蛋糕」同菠蘿包慶祝。
有對寶貝仔女嘅阿峯覺得,養貓可以令小朋友更加有責任感,舉例指囡囡會幫手清理貓砂,囝囝則幫手餵菠蘿包食嘢,成家人更不時帶貓「出街玩」!大家無聽錯,阿峯真係會用個袋帶菠蘿包出街,除咗帶佢去公園,以及去過幾次露營,仲特別喺立法會議辦內添置咗少少貓咪玩具同必需品,閒時會帶菠蘿包喺議辦附近散步,令菠蘿包極可能成為全港首隻行過立法會走廊嘅貓!至於點解要帶貓返議辦?佢話通常喺太太要出外工作、小朋友又返咗學之時帶菠蘿包返議辦,等佢可以多啲時間有人陪,因為就算自己要開會唔得閒,議辦職員都會代勞照顧,而一班助理都like爆菠蘿包,笑指呢個係佢議辦工作嘅「福利」之一。但呢種可以帶寵物返工嘅文化,香港仲未流行。
查實立法會准唔准養貓?阿峯話同保安溝通過,對方知道佢只係不時帶貓返立法會、唔係長期喺嗰度養,都話無問題,好歡迎呢位特別「訪客」。至於去公園「溜貓」,其實外國都好普遍,阿峯特別睇過康文署轄下公園條文,發現無話明唔准帶貓入去,只會寫明唔准帶狗,所以公園保安都無阻佢,菠蘿包就成日去添馬公園玩樂,佢話只要搵到一條適合嘅帶,加上搵個安靜、少啲人嘅大草地,菠蘿包就會四圍跳追蝴蝶,玩得開心過喺室內㗎。
日期:6月9日(日)
集合地點:維園草地
時間:下午2時30分集合、3時正起步
遊行路線:維園草地遊行至金鐘添美道立法會
(資料來源:民陣)
---------------------------
【六四30】守住歷史 拒絕遺忘
https://hk.adai.ly/zdzKtt2RiW
查實立法會准唔准養貓?阿峯話同保安溝通過,都話無問題。許頌明攝