俄羅斯網球女將舒拉寶娃早前因為服食禁賽而被罰停賽，不過佢喺下個月24號就會刑滿復出，仲收到外卡出戰斯圖加特網賽、羅馬網賽同馬德里網賽㖭。不過，網壇有好多球員都覺得食過禁藥嘅人唔應該收到外卡，就連即將喺「細威」手上搶返一姐寶座嘅德國球手姬芭都係咁諗。

姬芭就話：「假如一個球員喺禁賽期一結束，就可以即使出戰比賽嘅話，咁樣真係有啲奇怪。我唔知道有咩球手會收到斯圖加特網賽嘅外卡，但係呢個網賽係喺德國舉行，而德國又有咁多出色嘅球手，有啲有實力嘅球手都要靠外卡先打到入正賽。」