今次政府辣招是衝着炒家而來，但老練的投資者，卻不與投資談情說愛，手起刀落。反而一批被代理不斷唱好，或高估樓價升幅的細注或新晉投資者，被政策挾死，低價賣又肉痛，轉售為租本身投資本金又不能長守下，這批邊緣人士才被今次辣招殺得最傷。
這些炒家通常以細價樓為目標，貪呎價平入市，犯了基本大忌，由於炒細價二線貨，無論位置、質素和流通量都較差，在旺市時可渾水摸魚，賺少少便鬆人吸金；當大市波動，這類貨源隨時淪為蟹貨，賣又冇人要、租亦要超低價。
正如個別偏遠新盤，入伙時碰上靜市，跌幅最深，原因便是這些投資初哥實力不足轉為防守。看來數個快將入伙的新盤，同樣有投資初哥捧場，諗住賺一成鬆人，碰上打擊炒樓措施和銀行收緊按揭，跳樓貨陸續有來。
劉兆昌
http://www.HKLau.com