內地優才藝人，擁有「中國第一電子女聲」嘅內地歌手薩頂頂，噚晚喺九展舉行首個香港演唱會「薩頂頂2014幻境演唱會」，以天籟之聲聞名全中國嘅薩頂頂，喺香港個唱加入不少現代舞，極盡視聽之娛。

薩頂頂出場以一身白色泰山裝示人，兼赤腳上陣，並盤膝而坐，佢第一首係以藏語唱出嘅《神香》，仲一邊唱歌，一邊扭腰，唱到投入個時，仲碌地同埋瞓地，非常賣力。

第二首《天地記》，薩頂頂大騷功架，展示完美嘅海豚音，而第三首《幸運日》特別加插一段現代舞。

完騷後，不言倦嘅蕯頂頂為答謝歌迷，安排喺演唱會後為過粉絲簽名。