羅仲謙同楊怡一向喺圈中恩愛夫妻之一，二人拍拖5年，外界唔睇好呢對姊弟戀，不過佢哋就越嚟越恩愛，上年喺英國辦婚禮，同年8年宣佈婚訊，10月喺香港擺酒，o依家謙謙主力喺大陸發展，兩公婆唔係成日見，之但係謙謙一返香港，必定黐實老婆。

謙謙今早9點幾就喺社交網貼出合照，留言：「當傻瓜遇上天使!」相中見楊怡扮有一對翼，喺謙謙眼中絕對係索天使，謙謙亦配合遞出手，好似迎接天使咁。

楊怡都有轉貼post同回覆「傻瓜請我吃飯吧，一早下凡未吃早餐」，一朝早就咁閃!