今日係農曆七月十四盂蘭節，盛產鬼片嘅泰國最近再獻新猶，趁鬼節前夕上映新片《游魂惹鬼》（TheSwimmers），今次又係集愛情同鬼故一身，啱啱前日喺全泰國開畫首日票房就收得近800萬泰銖（約200萬港元），成績已叫相當唔錯。

《游魂惹鬼》內容係講兩個男主角柏（MARCHChutavuthPattarakampol）同埋阿丹（TOHThanapobLeeratanakajorn），都係游泳校隊宿敵，柏比賽成績一直未能超越阿丹，但私底下佢哋係好朋友。不過柏就搭上阿丹個女友阿愛（SupassaraTHANACHART），點知呢段三角關係結果搞出人命，阿愛喺大學泳池自殺，繼而鬧出鬼話連篇。

呢套戲導演係索分沙達菲斯（JIMSophonSakdaphisit），佢嘅舊作《陰容院在》（ComingSoon）同《陰傭花園》（Laddaland）先後都喺香港上映過，而《游魂惹鬼》都定今個月底香港開畫。