當年今日
關於我們

阿嬌渴望除烙印

蘋果日報 2009/07/05 00:00


鍾欣桐(阿嬌)、容祖兒和蔡一智夫婦,前晚到藝術中心欣賞舞台劇《勁歌金曲》。阿嬌表示到場支持好拍檔蔡卓妍之餘順便偷師,對於有報道指她復出3個月已賺700萬,她說:「你哋信咪信囉,我答你冇咁多,但嚟緊工作都好多。」至於有指她接受打botox瘦腿考慮了兩個月,她說:「我諗幾耐本雜誌又知?個job係公司接咗話我知,同埋我都想去除啲水痘印,不過個胸一定唔會諗。」
祖兒失言反省
此外,祖兒接受港台節目《對人‧對話》訪問時,表示最欣賞周潤發待人接物態度,覺得發哥對任何人的態度一樣友善。祖兒又指經常失言,記得有一年她在頒獎禮講了句「你哋唔係噓我呀」,她表示因為在頒獎禮前得知有同事受到不好的對待,引發她說了這句話,她說:「我唔會後悔,但會反省。」
採訪:李珮洳
攝影:林德雄