由英國導演丹尼波爾（DannyBoyle）執導嘅96年經典電影《迷幻列車》(Trainspotting）相隔咗20年，最近已經開始拍續集喇！真係令一眾影迷等到頸都長。丹尼波爾親自執導外，《迷幻列車》一眾主角伊雲麥奎格（EwanMcGregor）、JonnyLeeMiller、RobertCarlyle同EwenBremner四位演員都回歸。
日前劇組喺蘇格蘭格拉斯哥拍攝，見到幾位主角齊集喺佢哋成日去嘅酒吧PortSunshine外，有一幕伊雲麥奎格上咗酒吧二樓，作勢要由窗門跳出街，佢成大半個身都已經伸咗出窗外，後面見到有工作人員用繩扯住佢。
另外，一幕就見到伊雲同扮演Spud嘅EwenBremner及飾演SickBoy嘅JonnyLeeMiller夾手夾腳將一袋嘢搬上車尾箱。
今集係定於第一集嘅10年之後，主題唔再講吸毒，而係色情事業。故事講述伊雲嘅角色Renton喺阿姆斯特丹開咗間色情場所，RobertCarlyle扮演嘅Begbie放監出咗嚟，Spud就努力戒毒。電影定於明年1月上映。