黃曉明同Angelababy嘅愛情結晶「小海綿」喺1月17號順利出世，今午黃曉明同Baby兩公婆帶愛子出院。

Baby出院狀態超好，成程甜笑同媒體打招呼，而曉明就好温柔咁相伴，雖然二人均略顯疲憊，但難掩幸福嘅喜悦，對媒體連聲講「謝謝」，黃母都開心向媒體記者派發紅包。

據悉Baby全程親自照顧愛子，會選擇母乳餵養，爸爸曉明就為咗陪產推咗唔少job，由16號晚上一直陪住Baby，入院後亦冇離開過醫院，三日以嚟悉心佢哋。

剛榮升做媽媽嘅Angelababy，手蹺住老公「海綿大哥」黃曉明步出醫院，二人戴住黑超，但係都遮唔到曉明嘅倦容，不過反而感受到佢啲幸福指數，雖然着住大褸，但仍明顯見到Baby谷奶，現場記者問Baby生B痛唔痛、身體情況？Baby一律笑笑口冇回答，之後7人車到咗之後，Baby先上車，之後雙方父母亦一齊離開醫院，上車離開。