當年今日
關於我們

【《鬼怪》集集追】孔劉back hug冧掂金高恩返屋企

蘋果日報 2016/12/30 20:55

集集追鬼怪金高恩孔劉

由孔劉、金高恩、李棟旭、劉仁娜等主演嘅tvN新劇《鬼怪》今晚播出第九集,承接上一集劇情,金高恩飾演嘅學生池恩倬得知鬼怪新娘嘅秘密,知道拔咗孔劉把劍後,孔劉就會死,並會喺消失於這個世界中,金高恩聽完後好傷心,仲即刻執行李離家出走。
孔劉回家搵極周圍去搵金高恩,最後李棟旭話畀孔劉知佢已告知金高恩有關拔劍嘅秘密,令孔劉好激氣。孔劉去到炸雞店搵金高恩,仲同劉仁娜飾演嘅Sunny相遇,佢見到劉仁娜嘅未來,見到佢同李棟旭講以後都唔會再見。孔劉心情好低落,令到天氣亦陰晴不定,更走去改變其他人性命,激死李棟旭。孔劉無辦法搵到金高恩,陸星材飾演嘅富三代柳德華就話幫佢搵金高恩,鏡頭一轉就出現一隻白色蝴蝶飛來飛去,由於之前孔劉曾經講過蝴蝶就代表神,唔知係唔係就係暗示陸星材就係神。
而金高恩原來就喺滑雪場工作,孔劉去搵佢叫佢回家,不過金高恩就堅決拒絕,話自己冇屋企,仲話唔會拔劍,叫孔劉唔好再搵佢,永遠生活下去,更警告話:「你再出現我面前,我會殺了你。」孔劉一直跟住金高恩,畀咗佢嘅成績表金高恩,金高恩發晦氣話0依家就同你拔劍,孔劉即捉住金高恩嘅手叫佢拔劍,令金高恩覺得自己就等於孔劉嘅拔劍工具,金高恩問孔劉有冇愛佢,孔劉話自己害怕,希望可以有籍口永遠同金高恩一直活下去。
金高恩拒絕跟孔劉返屋企,點知當佢喺滑雪場開工時,架子突然跌下,金高恩暈倒過來,金高恩暈倒時回想起孔劉嘅點滴,仲講咗句:「我愛你」。孔劉似乎感應到金高恩愛嘅呼喚,即時送咗金高恩去醫院。
金高恩出院後返回滑雪場,佢喺纜車上吹蠟燭,諗住孔劉即刻會出現,點知孔劉冇出現,當金高恩好失望時,孔劉其實喺終站等金高恩,金高恩一見孔劉就激氣打佢,話以為以後都見唔到佢,孔劉就即時出招冧爆金高恩,仲back hug金高恩,講咗句:「我都係」,佢呢句其實係回應金高恩暈倒時講那句「我愛你」,金高恩就同孔劉講佢以後都唔會見到佢把劍,只會見到佢帥氣嘅樣子同埋貴價嘅衣服就足夠。
孔劉為了令金高恩返屋企,就索性要滑雪場炒咗金高恩,令到金高恩終於跟孔劉返屋企,又再次同李棟旭展開一齊生活。孔劉交還手袋香水等東西比金高恩,但要金高恩分期還錢,仲話分80年還畀自己,即係要同金高恩80年啦。
孔劉、金高恩、李棟旭同劉仁娜四人終於聚頭,孔劉聽到李棟旭叫劉仁娜個名「金善」,即時嚇了一跳,當劉仁娜捉住李棟旭隻手時,古代金所炫同金旻載飾演嘅皇后同皇帝嘅片段亦都出現,似乎已好肯定二人就係皇帝同皇后嘅轉世。