羅霖噚晚喺黃埔以名譽大使嘅身份出席活動，進軍商界已經有日子嘅羅霖，佢話0依家對做生意嘅興趣越嚟越厚!

羅霖本身有做醫學美容，話同啲醫生接觸得多咗，有好多問題可以自己解答，兼且仲分辦到人哋有冇微調同整容，佢表示：「其實0依家有好多醫學美容嘢係鑑定唔到，0依好少人做大型嘅整型手術，顎骨、權骨呢啲已經可以用針去解決，打入身溶解，就算照X光、磁力共振都冇用，係check唔到。」

問到佢覺唔覺Baby有冇整容?羅霖就話：「我唔可以咁講，但係佢本身底子好靚，混血兒，不過依家微整好普遍，大整就個個都睇到，如果可以令到佢有自信心又唔覺眼，唔係好大礙嘅事。」

如果咁講，似乎check嚟冇乜意思？羅霖又指：「係呀，我成日同醫生接觸，知道只要唔係做大手術係check唔到，打針抽脂照唔到，呢啲係自體脂肪，呢個時代醫學昌明，要靚其實好簡單，唔係咁易察覺，我身邊有啲人上晝去打針，下晝就返工。」