伊巴謙莫域俾曼聯裁走，不過以「呂布」威名，大把球會想簽佢，好似德甲哈化柏林叫佢嚟衝擊吓德甲冠軍，連美職洛杉磯銀河都想簽佢。俄超前冠軍辛尼特嘅官方IG，尋晚就出埋伊巴加盟嘅post，仲key埋落辛尼特波衫度添，不過呢個post出咗一陣就被刪除。

到底辛尼特今次想借伊巴抽水吓，定咁把炮簽佢去俄羅斯？辛尼特今季只得俄超季軍，球會亦都換咗教練，由前國際米蘭教練文仙尼接手，文仙尼同35歲嘅伊巴喺國米合作過兩季，仲一齊贏意甲冠軍，用人情牌簽到伊巴都唔出奇㗎。