觸發反修例運動的《逃犯條例》修訂撤回後，運動未有平息，警暴取而代之成為市民關注焦點。90年代曾任警監會（監警會前身）成員的大律師沈士文以打結的冷球形容狀況，越多的結越難解：「半年裏面，畀市民印象唔係一個人或者一team（小隊）警察行為嘅問題，我唔相信會係咁樣，﹙已﹚去到個階段，市民點解覺得咁唔公平或者委屈？係太多啊！」他質疑警暴反映結構性問題，直斥警隊作為紀律部隊，「有force﹙武力﹚然後仲有冇disciplinary﹙紀律﹚？我真係唔敢講」，相信只有「擴充版」獨立調查委員會才是出路。

超過四分一世紀的執業生涯，沈士文做過不少探監工作，他談起「行家」現時到警署接觸被捕示威者時也感無奈：「等5個鐘頭，（阻撓）理由千奇百怪，（警方指）嗰個人唔係呢個警署、太多人被捕佢冇紀錄，後尾過咗一段時間又話喺呢個警署，然後又冇房。」他回想自己過往若過了20分鐘還未獲安排會見客人已經要求落簿投訴，「好多好多我哋以前從來冇聽過嘅原因，點解而家佢哋會提出表面上睇係唔合理嘅原因呢？呢個係咪結構性問題？」

曾擔任警監會成員6年的沈指，以往警察行為確是認真受到監管，「舉例講去財仔借錢，炒得！俾人證明到同黑社會有關係，炒得！你同市民抄牌講粗口，市民對你講粗口你反駁講粗口，即刻記落簿度」。但到了2019年，警察公然辱罵示威者「曱甴」，以粗口對待市民，直指：「﹙現時﹚如果一個警察只係同你講粗口，你覺得OK啦，唔係太壞啫，佢冇噴嘢（胡椒噴霧）啊嘛。」他又指警方一度要求立辱警罪，「其實普通人一般印象係唔需要再成立辱警罪，因為佢哋已經自己成立咗。」

沈指，政權縱容警暴成為市民的心結，「其實《蒙面法》只係掩住一邊嘅面，就係好好例子，令我哋解釋到市民點解覺得唔公平」，「過咗6個月，咁多影片咁多市民投訴，包括7.21，然後一個警察都冇錯嘅，而家4點鐘（警方記者會），畀任何片佢睇佢都話警察冇錯，只係statistic去睇，本身已經唔可信啦，咁樣咪解釋到市民點解唔接受、唔信囉。」

他強調法治精神重大環節在於政府，包括警隊依法辦事，「違法嘅話一定要接受check and balance（制衡）。」

警察濫權問題發酵至今，沈認為只有獨立調查委員會可以嘗試還市民公道，否則「開價越嚟越高」，甚至有人要求解散警隊，他則建議成立專門辦公室，引入大量專業調查員，研究不同影片後決定就哪些事件作深入調查，「因為講緊啲number都唔知去到邊度，6.12、7.21、8.31、10.1」，由專門調查部門連起點與線，「只係同警察攞文件睇都有一段時間，有幾多memo呢？邊日話唔需要編號？幾時話邊日可以（於制服）貼貼紙係冇問題？」他重申，法律有機制，考慮做或不做是政治問題。

記者 梁穎妍

-----------------------------
【匿名港警爆大鑊】
韓國KBS時事節目《時事直擊：香港 被自殺》
一按即睇
-----------------------------
無懼警暴 學懂自救
《抗暴之戰●法例須知》讀果 上架
-----------------------------
【撐學生】
召集有心人 撐學生全年睇《蘋果》
立即按此