梁洛施（Isabella）雖然兩年前與小小超李澤楷分手，不過他們的一舉一動，仍然是不少人談論的話題，昨日在港台播出的《舊日的足跡》的錄音訪問中，與師傅詹瑞文宣傳舞台劇《快樂勿語》的梁洛施，被主持車淑梅追問與李澤楷的關係。
坦言話題沒有禁忌的Isabella，對於外界用灰姑娘和王子來形容這段關係，她直言不喜歡並說：「我哋係一拍即合，我好相信緣份同自己直覺，愛佢就愛，我欣賞佢成熟 ，細心同有才華。」她續說：「第一次生BB嗰個時間好開心，可以話係人生最快樂嘅一刻，我瞓喺床度，Richard攬住我、呵護我，媽咪望住BB出嚟，助手錄video，嗰條臍帶好翠綠，係Richard親手剪臍帶。」她表示生第一胎是計劃之內，第二胎雖是順其自然，不過沒有想到會這麼快，而三個囝囝的名字均由爺爺李嘉誠決定，即使分了手，但大家一個月有一、二次家庭樂。

「對婚姻冇憧憬」

當日誕下孖仔不久，便與李澤楷發聲明宣佈分手，問到分手原因時，Isabella未有正面透露，只說：「當時為咗小朋友，大家有努力去維持，但係緣份冇就冇，勉強維持唔到，反而覺得有時候未嘗唔係好事，𠵱家係好好嘅父母關係，我冇後悔揀咗呢條路。」
問到Isabella有否一刻憧憬過做李澤楷太太，她說：「我對婚姻冇憧憬，最重要係真心相愛，不過呢一刻冇呢個衝動，只係想工作，有自己嘅事業。」她說：「我知道我哋永遠都會黐埋一齊俾人寫，因為我哋有小朋友，但係我想建立一個獨立嘅女性形象，會開心好多。」
撰文：張曦彤