經常戴上俗稱「阿婆底褲」同心抗疫口罩嘅特首林鄭月娥早前經常「離罩」，一睇就知好鬆，連佢自己早前都話個口罩「麻麻哋」，更有化驗結果斷指出，「阿婆底褲」只要洗過一次，過濾效果就下跌兩成，專家話用一次就算，「阿婆底褲」問題多多，唔知係咪因為咁，林鄭今日撰文話，政府由下星期開始，透過香港郵政免費派送即棄口罩至全港每個住宅地址，每戶一包，內附十個即棄口罩，佢話呢批口罩係政府喺「本地口罩生產資助計劃」下首批採購嘅口罩。今次明顯係間接跪低，如果「阿婆底褲」咁勁，又點洗派即棄口罩畀市民呢？

不過林鄭當然繼續死撐話「阿婆底褲」好威水啦，話呢「銅芯抗疫口罩」一個月嘅登記期內合共收到超過144萬宗登記，涵蓋逾393萬人，政府亦已直接派發「銅芯抗疫口罩」到學校、住宿院舍和社福機構。

林鄭最後繼續硬銷「港版國安法」，話香港經不起「亂」，老吹「暴力破壞、鼓吹『港獨』、私藏爆炸物品及槍械等活動和行為，已明顯危害國家安全。」佢話，今次中央為香港立法係要堵塞法律制度和執行機制的漏洞。查實香港法例漏洞多的是，如果係咁，中央真係一年365日都可以替香港立法。

-----------------------------
反送中一周年，《蘋果》整理大量涉及警察濫暴濫權等資料，製成詳盡資料庫，請按此閱讀圖表版本 ／純文字版本
-----------------------------
打國際線 《蘋果》英文版免費試睇 按此了解更多
英文版已登錄新版《蘋果》App按此下載/更新
-----------------------------
App內1-Click訂閱《蘋果動新聞》
按此了解更多