鄧麗欣（Stephy）最近慘被網友封為「鄧走音」，她的舊拍檔傅穎（Theresa）和楊愛瑾（Miki）前晚被問到此事時，竟以儍笑回應，盛傳與Stephy不和的Theresa揚言對方很看得開，應不會介意批評，而老闆黃柏高則繼續力撐Stephy，指她各方面都做出好成績。

前晚某雜誌在銅鑼灣怡東酒店舉行活動，出席歌手及藝人包括Twins、洪卓立、傅穎、楊愛瑾、森美、葛民輝、農夫、盧巧音、謝安琪及關智斌等。

歌迷聚會多假飛

Theresa及Miki的舊拍檔鄧麗欣最近被網民封為「鄧走音」，前晚兩人被記者追問此事時，起初竟以儍笑回應，其後Theresa說：「藝人好多時都會被批評，我認識嘅Stephy好諗得開，我都成日俾人講啦，都唔會在意。」Miki則說：「永遠都唔會做到100分，始終會有進步空間。」老闆黃柏高則力撐Stephy說：「無論係書、唱片同電影嘅售量同票房，睇得出佢係有好成績，唔可以得到全世界認同，但一方面佢俾人批評，同時代表咗好多人鍾意，做藝人一定要接受呢啲挑戰。」
Theresa又提到早前在廣州的歌迷聚會上，只售10元人民幣的入場券也出現假票，最終買了假票的歌迷也獲批准入場，對此她說：「好恐怖，咁平嘅飛都偽造。」
另一方面，近日有報道指由於商台高層甘菁菁丈夫Duncan（黃劍濤）是環球高層，故商台叱咤樂壇頒獎禮的獎項大多落在環球手上，對此Twins說：「呢啲新聞年年有，慶幸我哋攞獎冇乜新聞，其實頒獎禮好殘酷，每個藝人風格唔同，但獎就得一個。」

否認做貧賤夫妻

前晚有份出席的謝安琪，最近與丈夫張繼聰被周刊形容為「貧賤夫妻」，對於奶奶要執廢紙的報道，謝安琪解釋說：「周刊問我時我唔知係講緊奶奶，因為回收垃圾婆好耐冇嚟，費事啲嘢積喺屋企，先至攞去賣啫。」
此外，對於兒子樣貌被刊於雜誌封面，謝安琪直言對此事非常介意：「個記者突然衝出嚟係咁影，我同媽咪都俾佢嚇親，囝囝只係普通市民，佢哋登喺封面其實係牟利，唔應該支持。」
採訪：李珮洳
攝影：陳順