現年36歲嘅日本性感女神深田恭子日前被爆跟41歲地產大亨杉本宏之秘密發展兩個月，消息傳出後佢一度否認，但就被雜誌《女性Seven》拍得兩人在本月7日密會斷正，當晚深田恭子喺東京郊外拍劇收工後會合男友，兩人登上名貴房車，杉本當時更抱着女友的愛犬，之後再到深田恭子香閨共度春宵。

兩人已於新年見家長，唔排除會閃婚。而今日有報道話深田恭子同尊尼偶像龜梨和也拍拖多年，近日佢飛甩龜梨搭上呢個地產大亨，龜梨為此情緒有啲低落，亦影響到龜梨形象，所以尊尼事務所方面大為憤怒，更下令旗下藝人禁止同深田恭子再合作。

精選娛聞，喺晒《娛果》
http://fb.com/appledailyent