長周末前夕，相信各位戰意不會太高，魏力也早在周三已清掉大部份倉位，一來假期長、變數多，二來特朗普稅改、法國大選、美國國債上限、北韓金仔等不明朗因素尚在，實在想不到甚麼理由揸重貨去博，倒不如輕裝上陣、休養生息好了。
近日戰線越收越窄，有戰友笑言「買700（騰訊）、799（IGG），最多搭隻285（比亞迪電子）就掂，其他都唔使睇。」其實仲有一隻今季要睇實，就係金山軟件（3888）。4月初魏力推介過一次，大約21蚊左右，之後一路震落19蚊邊，小弟也被震走不少，但騰訊入股金山遊戲業務「西山居」，有望成為轉勢催化劑。
騰訊連同其他投資者以1.43億美元入股西山居9.9%，意味西山居估值達100億元人民幣。西山居去年稅後溢利6.28億元人民幣，入股價相當於15.8倍PE。這單交易顯然是win-win：騰訊獲金山遊戲的發行和運營獨家優先合作權，而金山則可利用騰訊龐大的用戶群和渠道發展手遊業務。金山將於9月推出劍3手遊版，券商多預期將由騰訊代理，並成為一款霸榜遊戲。未來在遊戲以至雲服務的進一步合作，更是值得憧憬。

魏力
http://www.facebook.com/2012jason
本欄逢周一、五刊出