當年今日

葬妻費被騙綜援漢陷困

蘋果日報 2002/02/27 00:00


六十四歲的黎兆文近日迭遭打擊,其妻兩星期前不幸因糖尿病逝世,他復遭一名無良騙子以代辦殮葬事宜為名,騙去綜援金,可憐的黎伯人財兩空,傷心欲絕,生活更陷困境。
「嗰日喺醫院殮房門口有個男人話係殯儀館職員,可以幫我搞殮葬,叫我畀四千五百蚊定金佢,轉頭會畀番張收據我,當時我個心好亂,信晒佢講,點知我等咗佢個幾鐘都唔見佢返嚟。」黎伯語帶激憤地說。
近年,黎伯與三十八歲妻子伍玉霞屢交噩運,九三年兩人遇上嚴重車禍,導致黎伯右耳失聰及右手骨折,年前又曾中風及進行膽石割除手術;其妻則因意外的後遺症而患上精神分裂,需要定期覆診。

上月註冊結婚
本月初,其妻喉嚨發炎,本以為小事一樁,豈料過了幾天,病情急轉直下,二月十五日入院留醫,翌日病逝,醫生指其死因乃糖尿病引發急性併發症。
「佢平時冇病冇痛,點知呢次病到成個人落晒形,嘢又食唔到,只係可以飲奶。入院冇幾耐已經休克,跟住就救唔番,我都唔知佢有糖尿病。」精神委靡的黎伯躺在牀上流着淚說。
黎伯透露,他與妻子均曾經歷一段破碎婚姻,兩人於十多年前認識,共賦同居,共歷不少患難,鶼鰈情深,並於上月中正式註冊結婚,詎料不足一月其妻便因急病逝世。
「我原本諗住會行先過佢,所以同佢註冊結婚,然後喺公屋入面加埋佢嘅戶籍,就算我唔喺度佢都唔使流離失所,點知佢會去得咁突然,我想過跟埋佢去,唔使留低我一個人咁痛苦。」
三餐亦成問題
以往任職保安員的黎伯,自車禍後未能覓得工作,夫婦依靠綜援金維生,如今突遭變故,黎伯莫說無法負擔亡妻的殮葬費,就連一日三餐亦成問題。
「嗰個人呃晒我啲錢,下月中先至出綜援金,𠵱家我身上剩番百幾蚊,搞到我呢幾日都係食即食麵,希望善心人士可以幫我度過呢個難關。」黎伯哽咽着說。
蘋果日報慈善基金有見黎伯的悲慘遭遇,即時撥出八千元緊急援助金,暫解其困境。
捐款編號:C0470

暖流熱線
電話:29908688
傳真:23702192
電郵:[email protected]
網址: http://www.charity.atnext.com