周三舉行嘅全運會游泳比賽，「長腿女神」劉湘喺50米自由泳預賽游出24秒32，以0.16秒之差打破日本選手池江璃花子喺今年年初創造嘅亞洲紀錄；呢位廣東選手亦成為15歲小將李冰潔之後，第二位喺全運會打破亞洲紀錄嘅泳將。

劉湘順利以總成績第一晉級複賽，而佢嘅勁敵朱夢惠以24秒90排第二，張雨霏以25秒06排第三。