鄧小巧忙完音樂會後，又為最新EP宣傳，今晚她在佐敦舉行見面會，其間搞新意思派發糖果和香檳給現場觀眾。鄧小巧近來減了接近9磅，外形纖瘦了之餘打扮亦變得女性化，鄧小巧表示希望可以保持做運動的習慣，以免在着靚衫時要縮肚腩。新EP造型以曲髮示人甚有女人味，她笑言：「我都係女仔嚟嘅，之前較中性打扮，剛才化妝後照鏡，覺得好似黑社會阿太，好有江湖味，所以加多啲胭脂，但我都步入中女階段，要帶暖水壺出街。」

朋友間中見面會讚她瘦咗又靚咗，但鄧小巧表示不覺得多了追求者，因自己甚忙碌很少見朋友。聖誕將至，鄧小巧已開始約朋友到時狂歡，多個頒獎禮相繼取消，問她歌手朋友們可會較有空容易約會？她說：「反而覺得冇咗啲頒獎禮就見唔到好多歌手同埋幕後嘅人，以往最齊人喺頒獎禮。」今年推出兩張EP後，她希望可休息一個月，進行禪修讓自己靜心傾聽自己的聲音。

採訪：王連連
攝影：沈健程

-----------------------------
《2019高級珠寶鑑賞誌》
點擊即睇過百款鑽飾名表
-----------------------------
【匿名港警爆大鑊】
韓國KBS時事節目《時事直擊：香港 被自殺》
一按即睇