香港教育大學幼兒教育學系助理教授劉怡虹說,很多學校未有明確復課計劃,家長壓力越來越大,近來開始讓子女到補習社「追進度」。「(復課)係會重新教過定係現有的教材已經當教咗?家長擔心跟得唔足,會同人哋有落差。如果學校啲功課繼續係咁多,不停湧埋嚟,而畀家長支援唔夠,佢哋無可奈何會覺得(補習)係一個出路。」
劉分析,停課期間家長及學校角色逆轉,「家長以前係鞏固知識,支援學校,停課期間角色同學校調轉咗,學校係支援緊佢哋。」加上現時學校很少給予學習回饋,「如果有啲指引畀家長,學習重點係乜,你(家長)可以問咩問題,有啲咩延伸問題你可以考慮。唔好每一個活動都叫家長要交功課。」
劉續指,教授幼童的短片最好不超過3分鐘,中間要有音效和圖畫吸引幼童注意,「冇話一個特定年紀(適合網上學習),係視乎返教學策略同埋小朋友學習動機或主動性。」她指電子學習雖推行已久,但小學和幼稚園支援未夠,老師訓練有待加強。
早前教育大學一項調查顯示,小學生於停課期間,平均每日有2至4份功課,劉認為若4份功課也是關於當天新學的知識,功課量偏多,建議學校讓家長拍片或錄音,每周分享一次孩子學習成果。
-----------------------------
【武漢肺炎】專頁 全民自救 抗疫資訊盡在《蘋果》
-----------------------------
【撐學生】
召集有心人 撐學生全年睇《蘋果》
立即按此