當年今日
關於我們

【短片】【張繼聰哭了】愛妻與亡友 阿聰:我最重要嘅人,今晚都喺度!

蘋果日報 2015/12/13 06:00

蘋果九展演唱會生日張繼聰Kay即時個唱亡友3月13日

張繼聰噚晚喺九展開騷,妻兒撐場,全場滿座,阿聰喺台上又唱又跳之餘,亦有感性的時候。他還特別安排了一個環節,憶亡友。

阿聰先唱一曲《是什麼》,送給這位好朋友,然後眼淚已經忍不住:「我有個好朋友,同我一齊由細玩到大,佢大我四年,好似大哥哥照顧我,自己仲等緊出唱片時,呢個朋友成日鼓勵我,每次唱片公司Reject我啲歌時,呢個朋友同我講:『唔緊要,你啲歌永遠喺我車內熱播』。」

「但好不幸,之後朋友患咗癌症,我呢段時間陪佢做化療、睇醫生,但睇住佢一日一日瘦及甩頭髮,平時都仍陪住,即是有唔開心事,都同佢分享,對方都鼓勵我。」

「終於我喺04年簽約做到歌手,可惜佢已經過身,當時寫《是什麼》送畀佢,平時少喺公開場合或其他騷唱呢首歌,覺得唔係好適合。但今(昨)晚可以唱,係因為我最重要的人都喺度,所以會唱,十幾年經歷好多嘢,就算唔開心都經歷,朋友唔喺我身邊,都一路支持我。」

隨後阿聰又說:「記得出道後,有一年3月13日,第一次上《勁歌金曲》,有個女仔3月13日生日,咁啱喺屋企睇住電視,聽到有個男仔好有型彈結他唱歌,呢個女仔後來變咗我太太(指Kay),我覺得成件事,係我過身朋友送畀我一份禮物。係咪好韓劇好TVB?你哋唔好再鬧TVB劇老土,因為現實係真會發生呢啲事呀﹗」