早排自爆戀上內地富二代嘅0靚模謝芷蕙（Cammi），之前喺街被人見到嘅時候都左閃右避，好似驚畀人見到佢真身咁，而佢最近嘅面部輪廓，確實好似有啲轉變，唔知係唔係畀人話得多，Cammi喺微博po咗張閉目密實相，同一段充滿怨氣、嬲火嘅嘮叨，擺明係回應人家對佢嘅批評表現甚為不滿，內容係：

「漂亮的說你整容，有錢的說被包養，開放點人家說你騷，保守點人家說你裝，冷淡了大夥兒說你傲，熱情了群眾說你浪，走在前頭挨悶棍，走在後頭全沒份，總之就算你再好也會有人從你身上挑刺兒，這就是現實，所以呢我們不可能讓所有人都滿意，因為不是所有人都是人。」

經過融會貫通之，相信Cammi係話自己都算係靚女，而靚完再靚之後，就畀人話整容，同有錢男友拍拖又話畀人包，着性感啲又話佢曝露，open啲又話佢姣，真係唔知點迎合宜家啲人，不過人總係喜歡雞蛋挑骨頭，更何況唔係個個都係人喎﹗既然Cammi都明白唔係所人都會喜歡你，又使乜介懷呢啲流言蜚語呢！