當年今日

魚缸暴炒族:安踏尋底未完 - 方星俠

蘋果日報 2009/08/17 00:00


內地體育品牌不少,市場業務潛力大,但競爭亦大。至於呢類「土炮」牌子生意好唔好,行出街多唔多人穿着?香港散戶唔返大陸,點樣睇得到?
星俠走遍大江南北,見大陸體育品牌店成行成市,與國際一線品牌分庭抗禮,其他細牌子相形之下就唔太顯眼,要成功打入內地市場唔容易。
百麗國際(1880)宣佈,將其擁有的Fila品牌業務,作價3.3億元人民幣出售予安踏體育(2020),原因之一是在中國開發國際運動服飾品牌所需之技術與經驗,短期內難達到。
下試10元水平
安踏有自家品牌,又取得中國奧委會合作夥伴資格,要提升身價,根本唔使靠外國牌子,取得Fila估計對業務增長作用唔大,況且07年百麗購入Fila中國商標後,07年及08年度都要虧損。
安踏月初升上52周高位12.70元後調整,上周曾見反彈,但周五挑戰12元失敗,倒跌0.10元,收報11.48元,安踏似反彈完成,短期料再尋底,待跌至10元邊才考慮買貨。
方星俠