睇黎美聯(1200)由低層到高層都超級鐘意磚頭，由舊年三人幫以超級低價買入天水圍嘉湖山莊，到噚日美聯物業高級區域營業董事羅文駒以逾3,600萬連掃新地(016)筲箕灣形薈5伙，今日輪到主席黃建業大女黃靜怡入飛搶元朗Grand Yoho，同小市民一齊爭崩頭。

市場流傳今午黃靜怡響幾個集團高層陪同之下，包括新界區董事張子存，身穿OL裝去到ICC交Grand Yoho認購表格。

美聯方面回覆指，黃靜怡的確入咗兩張飛，希望買樓做長線收租，實行藏富於樓。以項目每張10萬元計，黃靜怡要交廿萬本票登記。