NBA近年大吹全能風，唔少球隊都要求內線長人有控衞技巧，而塘鵝主帥根度爾（Alvin Gentry）近日就大爆自己希望將吉辛斯（DeMarcus Cousins）改造成控球中鋒，希望呢位6呎11吋高嘅中鋒可以好似金塊中鋒祖傑（Nikola Jokic），幫手策動球隊攻勢。

值得留意嘅係，吉辛斯喺休季期間請咗著名訓練員凱撒（Amoila Cesar）幫手，而佢近日喺ig上載嘅相都可以睇到佢成功減磅。根度爾話：「吉辛斯真係弗咗好多，我諗佢係見到湖人嘅蘭度爾（Julius Randle）喺五個禮拜之內減走大肚腩、仲成功爆肌，所以佢先的起心肝搵凱撒幫手。」