【敏感時候】王梓軒持開放態度討論社會氣氛 最驚唔小心講錯嘢
王梓軒
王梓軒今日到新城宣傳有份聲演的卡通片《貓咪媽咪HOME》,他指電影適合一大大細看:「小朋友會學識勇敢,大人會睇到好多關於屋企嘅意義,又加入咗少少時事嘅嘢喺入面。」談到現時社會氣氛,令很多人與家人意見不合,王梓軒說:「唔止家人之間,甚至同事或者路人之間都有唔同意見,我哋要耐心去接受。因為冇人唔關事,呢個係全香港嘅事情,我希望大家可以關懷、理解同愛對方。」
王梓軒表示持開放態度與朋友同事討論:「各人有各人嘅睇法,大家都要互相尊重。喺呢個敏感嘅時候,作為藝人,最驚係唔小心講錯嘢誤導咗觀眾,令人覺得公眾人物都咁睇,而我想大家安全、聆聽同溝通。」
至於年底舉行的演唱會,王梓軒表示仍在籌辦當中:「其實我哋中間都遇到困難,協辦嘅單位擔心係唔係適合嘅時候開演唱會,不過我嘅主題係同行。」他希望在演唱會上的表達如何對待愛惜的人,亦希望以音樂治癒大家:「同協辦單位傾完個主題之後,大家又覺得應該可以做。就算而家宣傳,我哋都係希望可以幫到大家嘅角度出發,好彩我首新歌《安全著陸》,原本就係講,前面嘅路可能好崎嶇,不過我哋有好兄弟或者好姊妹一齊去支持。」
早前,王梓軒邀得好兄弟吳鶴謙及陳家樂玩遊戲、拍宣傳片,王梓軒說:「我哋比賽划艇,邊個輸咗就要淋濕身,個人賽來講我係贏嘅,可惜我有豬一般嘅隊友,所以最後都輸咗。」
------------------------------
【每周送10萬】
升級壹會員獨家尊享,立即參加
10萬火急大抽獎 !
*推廣生意的競賽牌照號碼:52302-9