話就話NBA總決賽雙方各有13名球員可用，其實唔少綠葉「坐多過打」，但一樣發揮「精神領袖」作用架，好似騎士連續兩季喺最後一日簽入嘅36歲老將D鍾斯（Dahntay Jones），繼東岸次圈Game 1後連食兩個t-foul後再創新猷，喺JR史密夫入完3分後無啦啦同杜蘭特（Kevin Durant）trash talk，結果又食t-foul。

有美國《ESPN》記者爆料，話D鍾斯今季薪酬得9,127美元（約7.1萬港元），但每次「食T」都要交3,000美元罰款，意味佢打足成季得番127美元（約989港元）…好彩勒邦占士（LeBron James）上次講過會幫佢代交6,000美元罰款，今次應該濕濕碎啦。